July-ah Jungkook solo album hmasa ber?

BTS Jungkook chuan July thlaah a solo album hmasa ber a tichhuak dawn nia sawi a ni.

Nimin khan Korean news outlet Sports Chosun chuan BTS main vocalist, Jungkook hi a solo album hmasa ber tlangzarh tura a inbuatsaih mek thu te, July 14-ah tihchhuah a tum thu leh, a album-a hian English hla pawh a telh tur thu a tarlang.

Mahse BTS management company, Big Hit Music chuan hei hi rawn chhang nghalin, Jungkook hian solo album chu tichhuak ngei dawn mah se, a tihchhuah hun tur tak tihchian a la ni lo tih a sawi. Album tlangzarh hun tur hi puan thuai a ni dawn tih a tarlang.

Solo album hi la tichhuak lo mah se, Jungkook hian solo song erawh a tichhuak tawh a, international artist-te pawh a thawhpui a ni. Nikum khan a solo song, Left and Right a tihchhuak a, Charlie Puth a thawhpui. BTS member vek, Suga nena an thawhdunna, 7FATES : CHAKO OST, Stay Alive an lo tichhuak tawh a, official FIFA World Cup song "Dreamers" a tichhuak tawh bawk.