Zara Hatke Zara Bachke-in ni 4 chhungin Rs vbc 25 la lut

Vicky Kaushal leh Sara Ali Khan-te channa, Zara Hatke Zara Bachke chu India ram theatre-ah a che ṭha nghal hle a, tlangzarh a nih aṭanga ni li chhungin Rs. vbc 21.50 a la lut hman.

Laxman Utekar direct, Zara Hatke Zara Bachke hian kumina Hindi film chhuak tawh zinga thawm nei lian ber pawl a ni nghal a , a sum lakluh pawh hi Rs vbc 50 a tlin chhoh thuai rin a ni bawk. Tlangzarh ni aṭanga ni li chhung 'Buy one, get one' coupon siam a ni a, coupon hi Rs 250 man niin, Thawhṭanni khan Rs 200-ah tihhniam a ni. He coupon hmang hian ticket hi Rs vbc 5.8 hu vel hralh chhuah a ni.

Zara Hatke Zara Bachke hi Vicky leh Sara-te chan dunna hmasa ber a ni a, anni bakah Meghna Agarwal, Inaamulhaq, Neeraj Sood, Akash Khurana, Rakesh leh Sharib Hashmi-te an chang bawk. Audience bakah critics lam pawhin he film hi an fak viau.

Sara Ali Khan hi Aditya Roy Kapur nen 'Metro in Dino'-ah kan hmu leh dawn a, 'Murder Mubarak', 'Ae watan mere watan' leh 'Nakhrewali'-ah a chang dawn bawk a ni.