Billboard Hot 100: Morgan Wallen ‘Last Night’-in kar 9 chhung No. 1 a hauh ta

Billboard Hot 100 chart tharah Morgan Wallen 'Last Night' bawkin No. 1 dinhmun a hauh leh a, kar 9 chhung chart hmahruaitu a ni ta. Chart-ah kar 18 chhung a lang tawh.

Wallen 'Last Night' hian kar liam ta chhungin airplay audience impressions mtd 66 leh stream mtd 32.8 a nei a, download 8,000 a awm bawk. March thla aṭang khan Hot 100-ah hian hma a la hruai a ni. Streaming songs chart-ah kar 11 chhung No. 1 a ni tawh bawk a ni.

Taylor Swift 'Karma' chu No. 27 aṭangin No. 2-ah a rawn invawrh chhuak bawk. Nikum November thlaa a tihchhuah khan No. 9-ah a rawn lang a, mahse a tlak hniam zel hnuah May ni 26-a Ice Spice nena an remix a tlangzarh leh, May ni 27-a official video premier a nih tak avangin a rawn invawrh chho leh ta a ni. Hei hi Swift-i'n Hot 100 hit Top 5-ah hla 25 a neihna a ni. Billboard 200 albums chart-ah 'Midnights' chu No. 1-ah a rawn let leh bawk.

Miley Cyrus 'Flowers' chu No. 2 aṭangin No. 3 ah a tla thla. January thlaa a tihchhuah hnuah kar riat chhung chu No. 1 a ni hman a ni. 'Flowers' hi hmeichhe hla sak zingah Hot 100 top 3-a kar 20 chhung cham thei hmasa ber a ni bawk.

Lil Durk featuring J. Cole “All My Life” chu No. 4-ah rawn kir lehin, Hot R&B/Hip-Hop Songs leh Hot Rap Songs-ah No. 1 a ni leh bawk. Rame leh Selena Gomez thawh dunna, 'Calm Down' chu No. 5-ah awmin, Billboard U.S. Afrobeats songs-ah kar 40 chhung pakhatna a ni thung.