Nicky Minaj-i'n album tihchhuah hun tur a puang

Nicki Minaj chuan kum nga hnua a album tihchhuah leh hmasa ber tur a sawi chiang ta.

Thawhṭanni khan Twitter-ah rapper hian kumin October ni 20-ah a album thar a tichhuak dawn tih a sawi a, a album chungchang erawh engmah a la sawi lang tel lo.

Album tharah eng hlate nge a dah dawn a, a album thar tura mi single-in a tichhuak dawn em, nge a lo tichhuak tawh zawk tih pawh fan-te'n an la hre thei bik lo. Album a tihchhuah hnuhnun ber hnuah Minaj hian single eng emaw zat a tihchhuah tawh avangin, heng a single ho hi a dah khawm dawn nge, hla thar hlang zawk a dah dawn tih hriat a chakawm nghal viau.

Minaj-i album hnuhnung ber, Queen kha kum 2018, August thla daih tawha tihchhuah a ni. Billboard 200-ah No. 2 a thleng thei a, hemi hnu hian a hla thlan khawm a dahna, Queen Radio : Volume 1 a tichhuak bawk a, hei pawh hi Billboard 200-ah No.10 a ni pha ve bawk.