2023 Rookie Group zinga record siamtu BOYNEXTDOOR

K-pop boy band, BOYNEXTDOOR chuan 2023 rookie group zinga album tihchhuah kara copy hralh ṭha ber record an siam.

KOZ Entertainment boy group thar hian May ni 30 khan an debut single 'WHO!' an tihchhuak a, hemi kar May ni 30 - June ni 5 chhung khan copy 1,10,442 an hralh chhuak nghal der. Kumina group thar album tihchhuah zingah hralh tla ber a nih bakah, boy group debut album tihchhuah zinga kar khat chhunga hralh hnem pangana an ni pha bawk. An chungah hian X1, Wanna One, ENHYPHEN leh TREASURE-te an awm.

Album an tihchhuah hmain BOYNEXTDOOR hian debut track 'But I Like You' music video chu May ni 23 khan an tichhuak phawt a, May ni 26-ah 'One and Only' tichhuak lehin, May ni 30-a album an tlangzarh rual hian final debut title track 'Serenade' an tichhuak leh nghal bawk.