Taylor Swift 'Speak Now' version tharah rock musician Hayley Williams leh Fall Out Boy

Pop superstar Taylor Swift-i album version thar pathumna tur, 'Speak Now' version tih chhuah turah rock musician, Paramore lead vocalist Hayley Williams leh American rock ban Fall Out Boy-te an rawn lang ve dawn.

Kum 2019 khan Swift-i label hlui, Big Machine Records chu producer Scooter Braun hnenah hralh a ni a, hemi hnu hian Scooter leh Swift te hi a album neitu nih chungchangah an buai zui hle. Hei vang hian Swift chuan kum 2021 aṭang khan a hlate a kut hnuai veka a awm theihna turin, a album lo tihchhuah tawh chu a record ṭha leh mek a ni.

Speak Now album original hi kum 2010 khan tihchhuah a ni a, a hla hit 'Sparks Fly' leh 'Mean' te an awm. Grammy award pathum - Best Country Album, Best Country Song leh 'Mean hla aṭangin Best Country Solo Performance a dawng. Tuna version thar a siam hi July ni 7 hian tihchhuah turin a ruahman.

Swift chuan a album version thara guest atana rock musician pahnih a thlan chhan sawiin, "Speak Now-a hla ka dahte ka phuah lai leh, hetih hunlaia hla thu ka siam kawnga min hnehtu artist-te sawm a, ka album-a zai tir ve hi ka duh a ni. Anni pawhin ka album version thar ka siam min pui tura ka sawmna pawh fel takin min lo dawngsawng a ni," a ti.