American Cruise Line-ah Mizo-in professional dancer kan nei ve ta!

India ram aṭanga a hmasa ber ni turin,Carnival Cruise Line chuan an lawng chhunga entertainment department hnuaia performer ni turin, Mizo tlangval Lalngaihawma Ralte (Ngaihtea) Electric Veng, Aizawl chu contract an sign pui.

Ngaihtea hi kum 2019 khan Carnival Cruise Line-ah hian a lo thawk tawh a, Galley Steward in a lut a, mahse Covid vanga thawk chhunzawm thei loin a chawl leh a ni. Nikum khan online audition pein Minneapolis, US-a GL Berg Entertainment agency chuan an company-ah an la lut a, Carnival-ah tho hian placement an hmuhsak ta a ni.

Ngaihtea hian dancer anga luh nghal hi duh mah se India ram aṭanga luhka a awm mai loh avangin Galley Steward in a ṭan phawt a, chuta ṭang chuan mahni inhai kaw chawpa hetia lut thei hi a ni. Nimin khan Miami, Florida a pan a; Carnival Studio Miami-ah thla khat a cast mates-te nen rehearsal neiin July thla aṭangin lawngah lutin a hna a ṭan ang.