Slipknot aṭangin Craig Jones a chhuak

American nu metal band, Slipknot chuan band aṭangin an keyboardist, Craig Jones a chhuah thu social media-ah an post. An thu post hi rei lote hnuah an delete leh nghal a, mahse, a screenshot erawh a darh hman viau thung.

Social media post-ah hian, "Kan fan-te hnenah Slipknot chuan Craig Jones nen kan kal hrang ta tih kan puang a, Jones hi a kal zelna turah duhsakna kan hlan nghal a ni," tiin an ziak.

Jones, band-a 133 tia hriat bawk hian band lineup hi kum 1996 kumtir khan a zawm. A tirah chuan band guitarist, Donnie Steele thlak tura an lak a ni a, mahse, a hnuah keyboard a play ta zawk a ni. Slipknot member zingah band-a awm rei ber dawttu niin, ani aia awm rei chu Shawn 'Clown' Crahan chauh a ni.

Band-a a tel hnua official album an tihchhuah hmasa ber chu kum 1990-a an band hming chawia an siam kha niin, album pasarihah a inlan hman a, a hnuhnung ber chu kum 2022-a tihchhuah, The End, So Far kha a ni.

Craig Jones a chhuah thu an post hnu lawkah, Slipknot hian an member thar tur nia rin thlalak maksak tak an post zui leh nghal bawk.