Science & Environment: UK-ah phengphehlep chi mang tawh an hmu leh

UK-ah phengphehlep chi khat, kum 100 dawn mang tawh nia sawi chu tun hnaiah hmuh thar leh an ni.

Phengphehlep hmuh thar leh hi black-veined white butterfly species an ni a, Latin ṭawngin Aporia cratagei tih an ni. King Charles II rorel lai khan heng phengphehlep-te hi British species tih an ni a, UK PM hlui Winston Churchill khan a duhin a buaipui thei hle. Mahse, an ram hnawng leh vawt tak avangin an ral zel nia sawi a ni a, kum 1925 khan Britain-ah heng phengphehlep chi hi an mang tih official-a puan a ni.

Kum tam tak hmuh an nih tawh loh hnuah, tun thla tir lam khan black-veined white butterfly hi London chhim chhak lam leiletah tam vak lo hmuh tur an rawn awm thar leh a ni.

Britain rama phengphehlep chungchang zir chiangtu, Butterfly Conservation chuan heng phengphehlep hmuh thar lehte hi mi tute'n emaw an rawn chhuah a nih a rinawm thu an sawi a, mahse, tunge rawn chhuah a, eng vanga rawn chhuah nge an ni tih erawh an hre lo.

Butterfly Conservation chuan kum rei tak hmuh tawh ngai loh, black-veined white butterfly hmuh tur a awm leh chu lawmawm an tih thu an sawi.