Deputy Chief Minister hlui Lalhmingthanga Night hman a ni

Kum 2022, November 3-a chatuan ram pan ta, deputy Chief Minister hlui Lalhmingthanga pian cham pualin, nimin khan Mc Cabe Hall, Aijal Club-ah Lalhmingthanga Night hman a ni.

He hun hi Lalhming-thanga tu leh fate buatsaih niin, a fanu Meriam L. Hrangchal chuan kalkhawmte lawmna thu a sawi. Rev. TC Laltlawmlova'n hunserh a hmang a; Mizoram-a political leaders te, sorkar officer pension leh kohhran lama Lalhmingthanga rawngbawlpui ṭhinten a chanchin an sawina, 'Pu Hminga ka hmuh dan'tih video chhuah a ni.

Thu leh hla lama Lalhmingthanga kutchhuakte (Mizo & English) present a ni a, a hla phuah 'Kar a hla' leh 'Vanapa run' tih hmangin Zosangliani leh Zohmangaihi Seni Vangchhia-te'n kal khawmte an awi a, sap hla a lehlin 'Lal Isua hnenah' chu H. Lalhmangaihsangi'n a sa bawk. Lalhmingthanga nupui, Roṭhuami'n lawmthu sawiin kal khawmte a ṭin a, chawhlui an kilho nghal bawk.

Lalhmingthanga hi June ni 9, 1940-ah Vanhne khuaah a piang a, ṭum ruk lai MLA atan thlan tlin a ni.