Gladiator film thar shoot-naah crew member-te inhliam

Morocco-a Gladiator film chhunzawmna tur an channaah che sualin, crew member eng emaw zat an inhliam.

Film production com-pany, Paramount Pictures chuan stunt lam an chan laiin accident a thlen thu hi sawiin, an nunna atana hlauhthawnawm khawpa hliam na erawh an awm lo tih a sawi. An channa hmunah hian medical services-te an duty reng avangin enkawl nghal an ni, a ti. Crew member hliam zinga pali-te erawh chu damdawi in lamah enkawl chhunzawm an la ni.

Gladiator film chhun-zawmna hi a film title tur puan a la ni lo. A film hmasa zawk Director, Ridley Scott bawkin direct lehin, script hi David Scarpa ziah a ni. Kum 2000-a tihchhuah, Gladiator khan tihchhuah a nih kuma film sum la lut hnem ber zingah a tel a, a changtu Russell Crowe pawhin Academy award-ah Best actor a dawn phah hial. A sequel hi kum 2024, November 22-ah tihchhuah an tum.