Selena Gomez-i'n a single thu a aupui

Singer-actress zinga follower ngah ber, Selena Gomez-i'n a single thu a sawina video chu social media platform-ah a darh nasa hle a, a awm dan chuan netizen-te lawm a hlawh hle.

'Only Murders in the Building' star hian a ṭhiante nena football khel an en laiin, 'I'm single' tia player-te lama a au lai chu a ṭhian pakhatin video-in a lo la a, a hnuah Gomez hian TikTok-ah dahin, like leh comment maktaduai tel a nei nghal.

Selena Gomez hi March thla khan One Direction singer hlui, Zayn Malik nen sawi zawm a ni a, mahse, an sawizawm tumna hi dawt a ni tih Gomez hian rawn nemnghetin a single thu a sawi chiang ta a ni.