K-pop girl group zinga US-a album hralh hnem ber TWICE

13th June, 2023

Khawthlang lamah pawh K-pop boruak a lian chho zel. Billboard charts-ah pawh K-pop band leh artist-te an lang tel reng tawh.

K-pop girl group TWICE chuan record rawn siam lehin, March ni 25-a an tlangzarh, an mini-album 'Ready to Be' chu US-ah copy maktaduai khat chuang an hralh der tawh a, K-pop girl group zingah hetiang dinhmun thleng thei hmasa ber an ni.

TWICE hian an World tour vawi 5-na, 'Ready to Be' tour an nei mek a, tun thla chhungin Los Angeles, Auckland, Seattle, Dallas, Houston, Chicago, Toronto, Canada, New York, leh Atlanta-ahte an perform ang.