The Flash premiere-ah Ezra Miller inlan

The Flast chu Ovation Hollywood-ah Thawhṭanni khan premiere a ni a, he hunah hian thubuai leh buaina a neih avanga hun rei tak mipui hmaa inlan tawh lo, a changtu ber Ezra Miller pawh a rawn inlan.

Andy Muschietti-a direct, DC film hi June ni 16-ah US-ah tlangzarh a ni ang. Ovation Hollywood-ah premiere-ah hian a star-te Ben Affleck pawh inlanin a nupui Jennifer Lopez a hruai a ni. Sasha Calle, Maribel Verdu leh Jessica Chastain-te pawh red carpet-ah an rawn inlan bawk.

The Flash-ah hian Barry Allen chu a nu thi tur venghim turin hun liam tawhah a kir leh a, mahse, universe dangah a tang a; khawvel chhanhim nan leh, kan universe-a rawn kir tumin a bei a ni.

Ezra Miller hi mi kutthlak leh a ṭhenawmte ina dan loa luta puh a nih avangin thubuai a nei a, nikum August thla khan 'mental health issue' a neih thu leh, treatment a lak mek thu a sawi.