Spotify-a album 5-a stream tld 5 chuang nei vek thei awm chhun Taylor Swift

American singer-songwriter, Taylor Swift chu music streaming app Spotify-a album pangaa stream tluklehdingawn 5 chuang nei vek thei artist hmasa ber a ni ta.

Spotify-ah hian Swift album, 'Folklore' chuan stream tld 5 a rawn nei ve leh a, hei a album stream tld 5 nei thei pangana a ni. Hemi hma hian a album dang pali - '1989' (2014), 'Reputation' (2017), 'Lover' (2019) leh 'Midnights' (2022)-te chuan stream tld 5 hi an lo nei tawh bawk.

Taylor Swift hian “The Eras Tour” a nei mek a, hei hi 2018 hnua all-stadium tour a neih lehna hmasa ber a ni a, ticket pawh sold-out char char a ni. Tour hi March ni 17, 2023 khan Glendale, Arizona-ah a ṭan a, November ni 26, 2023 hian Sao Paulo, Brazil-ah a khar ang.