Mizoram hmar tawp aṭanga chhim tawp kea kal chhuah tum

Mizo tlangval Lallawmzuala (Elzeta) Varte, Aizawl Mission Veng chuan Mizoram hmar tawp aṭanga chhim tawp kea kal chhuah tumin zinkawng a zawh mek.

Elzeta Varte hi May ni 26, 2023 khan Mizoram chhim tawpa Khaikhi (Southern Most point of North East India) panin Lailapur aṭangin a chhuak a, June ni 9 khan Lunglei a thleng tawh.

He a Mission hi 'Cleanliness Tracking Expedition' a ni a, kawngkama bawlhhlawh, plastic bottle chu kal paha chhar fai zelin, heng hi amah zuitu motor chuan a phur a, sorkarin bawlhhlawh paihna a siam, official dumping ground-ah an paih zel a ni.

Elzeta Varte hi Mizoram State Sports Council-in an thawhpui bakah UD&PA, National Health Mission, Kim Tea, CLS Academy, Lalchhuanthanga - Aizawl S-III MLA leh Dr. Lalchhuanawma-te'n an pui bawk.