Bollywood actress zingah Katrina Kaif-i'n hit movie ngah ber

Bollywood actress langsar leh fan ngah tak tak zingah Katrina Kaif chu movie hit ngah ber a ni.

Katrina Kaif hi movie 31-ah chang tawhin, hit movie 14 a nei thei (all-time blockbuster 1, BB 2, superhit 5 leh hit 6).

Kum 2003-a Boom film aṭanga Bollywood-a bul ṭan, Kaif hi a tir lamah a che ṭha mai bik lo. Mahse, superstar Salman Khan leh Akshay Kumar-te chu film eng emaw zatah a thawhpui a, heng aṭang hian a rawn invawrh chhuak chho ta a ni.

Katrina Kaif dawtah hian Kajol, Kareena Kapoor leh Karisma Kapoor-te chu hit nei nghal niin, hit movie 13 an nei. Kajol hi film 32-ah changin, Kareena hi 49 leh Karisma hi movie 58-ah a chang.

Pathumnaah Deepika Padukone awmin, a movie 24 zinga 11 an hit a, global star Priyanka Chopra chuan rawn dawtin, movie 41 a neih zinga 10 an hit bawk. Raveena Tandon chuan hit movie pariat a nei; a hnuaiah hian hit movie pasarih nei Alia Bhatt, Shraddha Kapoor, Vidya Balan, Lara Datta, Aishwarya Rai, leh Bipasha Basu-te an awm.