June thla tawpah Olivia Rodrigo single thar ‘Vampire’

Grammy winner Olivia Rodrigo chuan a social media account kaltlangin, June ni 30-ah a single thar, 'Vampire' a tichhuak dawn tih a puang, a phur tawh tawh hle tih a sawi bawk.

Kum 20 mi, pop star hian 2021-a multi-platinum debut 'Sour' hnuah a project hmasa ber tur a ni a, single cover art pawh tarlangin, a thlalak black and white dahin, a nghawngah vampire-in a sehna hnu ni awm taka Band-aid pahnih a bel.

Rodrigo debut album 'Sour' hian Billboard Hot 100-ah No. 1 hit pahnih, 'Drivers License' leh 'Good 4 U' a nei a, nikum June thla khan Billboard 200 top 10-ah tun kum zabi chhunga debut lang rei ber record siamin, kar 52 chuang a lang. He album vang hian 2022 Grammy Award-ah Rodrigo hian award pathum a dawng bawk a; best new artist, 'Drivers License' vangin best pop solo performance leh best pop vocal album a dawng a ni.