Luke Bryan-a'n Katy Perry thlavang hauhsak

Country music star, Luke Bryan chuan American Idol-a a judgepui, singer Katy Perry thlavang a hauhsak.

'Dark Horse' Katy Perry hi show-a a thusawi dan, leh a ṭawngkam hmante avangin American Idol show thlirtute chuan an sawisel fo a, ṭum khat phei chu 'boo' a tawk hial. Mahse, Luke Byran chuan a ṭhiannu hi rawn chhanin, "TV show hmuhnawm leh hlimawm tak siam a tumna lamah Katy hi beih a tawk ta zawk a ni," tiin Fox News-in an kawmnaah a sawi. Katy Perry hi kum 2018 aṭang khan show judge-ah hian a ṭhu tawh a ni.

Luke chuan American Idol-a a judge pui, Katy leh Lionel Richie-te nen dinhmun khirh takah an din fo thu sawiin, mipuite'n an lawm contestant-te chu an sawisel te a lo ngai ṭhin a, mahse, an theihtawpin show ṭhatna tur hian an bei tih a sawi.