‘HEI RAW’ Group Dance Competition: Semi-final-ah Mizoram group 6 leh state pawn group 4 inel dawn

Mizo Dance Camp leh Mizoram State Sports Council buatsaih, Mizoram Dance Sports & Movement Championship hnuaia Hei Raw Group Dance Competition-a Semi-final lut turin group 10 an tling.

Group dance competition-ah hian online video hmangin audition round buatsaih a ni. Heta ṭang hian Semi-final lut turte thlan niin, group 10 thlan chhuah zingah hian Mizoram group paruk langin, an zinga panga chu Aizawla mi an ni a, Aizawl pawn lamah Champhai aṭangin C-Funk an tel bawk. Aizawl aṭanga Semi-final lut zingah hian Hrangbana College leh Hermon School an tel a ni. Group dang palite chu Mizoram pawna mi niin, crew ṭha tak tak an ni hlawm.

June ni 28, 2023-ah Semi-final round hi Dawrpui Multipurpose Hall, Aizawl ah neih a ni ang. Intihsiakna awm tur zingah Aerobics, Jump Rope leh Showdown dance battle atan a la in ziah luh theih zel a ni.