Bible quiz semi-final zaninah nei dawn

Mizoram UPC kohhran ṭhalai pawl, Pentecostal Youth Department buatsaih Bible Quiz 2023 intihsiakna chu a hmawr bawk a hnai ta a, zanin dar 8:00 hian Ignite Studio-ah semi-final inelna neih a ni dawn.

Mizoram UPC Studio, Zonuamah Bible quiz inelna hi June ni 6 khan neih ṭan niin, tualchhung leh bial aiawhin PYD team 24 an inel a, prelims, round of 16 leh quarter-final inelnate neih tawh niin, zaninah semi-final inelna an ṭan dawn ta a ni . Zanin bikah hian Kolossa leh I & II Thessalonika hmangin inelna hi an nei ang.

Semi-final-ah hian Bungkawn PYD, Siaha Bial PYD, Bilkhawthlir Bial PYD leh Chawlhhmun Bial PYD te an inel dawn a, intihsiakna hi General PYD YouTube channel bakah Zonet Bawhbel leh LPS 5-ah te live-a pek chhuah a ni dawn.