Jennie-i'n Blinks-te hnenah ngaihdam a dil

BlackPink member Jennie chu June 11-a Melbourne, Australia-a an group concert neih ṭumin, show-ah tel tluan thei loin a laklawh laiin stage a chhuahsan. Hei vang hian a social media account-ah Blackpink fan, Blinks-te hnenah ngaihdam a dil.

YG Entertainment chuan Jennie hi a taksa chak loh vanga show-a tel tluan thei lo a nih thu an sawi fiah nghal a ni.

Kum 27 mi, Jennie hian a Instagram story-ah ngaihdam dilna hi dahin, "Dear Melboune Blinks, Pathiannia show neiha ka tel tluan thei lo kha pawi ka ti takzet," a ti a, a chak ṭhat leh thuai theihna atan theihtawp a chhuah thu sawiin, fan-te hriatthiamna leh thlawpna chu atan a pawimawh hle tih a sawi.

K-pop girl band hian Blackpink World Tour (Born Pink) an nei mek a, khawmualpui pali-a ram 21-ah tour hi an nei dawn a, August 26, 2023 hian Los Angeles, US-ah an khar ang.