Music publisher 17-in Twitter an khing

US-a music publisher 17 awmna, National Music Publishers' Association (NMPA) chuan social media platform, Twitter chu copyright dan bawhchhiaa puhin an khing a, USD mtd 250 chuang chawi tir an phut.

Nashville-a Federal district court-ah thubuai hi theh lutin, NMPA chuan Twitter hian a hlawkna turin dan loa thiltih ṭhin hi phalsakin a ngai pawimawh lo ṭhin hle tiin, Elon Musk-a'n company a lei hnuah pawh copyright dan an palzut ṭhin chungchangah insiam ṭhatna leh hmasawnna a awm lo a ni, an ti.

Twitter chu hla 1,700 dawnah copyright dan bawhchhiaah puhin, hla pakhatah USD 150,000 zel chawitir an phut. NMPA-a hian publisher lian - Sony Music Publishing, BMG Rights Management leh Universal Music Publishing Group pawh an tel.