Women's Polytechnic-in Project display hun hmang

Women's Polytechnic, Aizawla Garment Technology Department-in kumtina an lo buatsaih ṭhin angin, nimin khan 2023 batch chuan final work-te phochhuahna hun an hmang.

Nimin chawhnu khan Women's Polytechnic Multipurpose Hall-ah Project display hun hi hman a ni. Kumina Project display-ah hian theme hrang hrang hmanga zirlai naupang 17-te thawmhnaw design-te chu model-ten an rawn pholang a ni. Hair & make-up hi Beautyculture & cosmetology departmentnt-a final batch-ten an buaipui bawk a, show hmuhnawm leh hlawhtling tak neih a ni.

Women's Polytechnic, Aizawl-ah hian department pali - Modern Office Management & Practice, Electronics & Telecommunication, Garment Technology leh Beauticulture & Cosmetology department-te a awm. 3 years Diploma course All India Council for Technical Education (AICTE) approve niin, Mizoram sorkara Directorate of Higher & Technical Education hnuaiah a awm.