Knight Rider Movie an buaipui ṭan

Knight Rider tih hming han lam rik ringawt pawh hian rual u lam deuhte beng chu a verh zawk mai thei. 

‘80s classic action series, movie-a buaipui ṭanna kawngah hian  Aquaman director James Wan chu a hming a ri ring hle a, ani hi producer a ni dawn. Hemi chungchang hi entertainment lama bengvar tak mai Deadline bawkin an rawn sawi chhuak hmasa leh a, hemi hnu lawk hian video game writer ṭhin TJ Fixman chuan movie an siam dawn tih hi Twitter-ah a rawn nem nghet ve leh bawk.

A plot emaw, a changtu turte emaw engmah tarlan a la ni lo thung a, mahse Deadline-in mi ṭhenkhat hnen aṭanga thu a dawn dan chuan 80's hunlai anga chan a ni dawn lo a, tunlai hun behchhana chan a ni dawn. Glen A. Larson-a series Knight Rider franchise hi 80's velah kha chuan a lar ṭhin hle a, movie dang pawh a hmain siam a lo ni tawh a, video game-te pawhin an siam tawh bawk a ni.