Taylor Swift-i'n record thar siam leh

Eros Tour nei mek, Taylor Swift chuan kar liam ta Inrinnia Pittsburgh-a concert a neihah record thar a siam leh ta.

'Karma' singer concert en hian Pittburgh-a Acrisure Stadium-ah Swifties 73,117 zet an pung khawm a, he stadium-a mipui an pun khawm tam ber ṭum a thleng.

Pittsburgh Post-Gazette chuan hemi hmaa stadium-a pun khawm tam ber record awm chu kum 2019-a Garth Brooks concert ṭum kha niin, mi 72,887 an pung khawm tih a tarlang. Mahse Swift hian record dinglai hi a rawn khum ta a ni.

Acrisure Stadium hi kum 2001 khan hawn a ni a, concert lian tham tak tak a lo thleng tawh. He stadium-a concert nei hmasa ber chu boyband, NSYNC niin, mi 48,188 an pungkhawm. He hmuna concert nei tawh zingah hian Kenny Chesney leh Beyonce-te pawh an tel.

Instagram lamah Taylor Swift hian Pittsburgh mipuite chu lawmthu a hrilh nghal a, zan hriatreng tlak a nih thu a sawi.

Inrinni zana a concert-ah hian Swift 2020 “Folklore” album-a 'Seven' hla chu The National frontman Aaron Dessner chuan a rawn perform a ni.