Vawiinah 'Rocky Aur Rani Kii Prem Kahaani' teaser

Bollywood film chhuak tur zinga mi tam tak nghahhlelh, Karan Johar-a film, Ranveer Singh leh Alia Bhatt-te channa, 'Rocky Aur Rani Kii Prem Kahaani' teaser chu vawiin hian an tichhuak dawn ta.

Teaster hi minute 1 leh second 16-a thui a ni ang. He film-ah hian Ranveer Singh leh Alia Bhatt bakah, Dharmendra, Jaya Bachchan leh Shaban Azmi-te pawh an inlan dawn a ni. May thla kha Karan Johar hian film poster 10 a lo tlangzarh tawh bawk.

He film hi love story a ni dawn a, music lam pawh a larpui hle tura rin a ni a, music composer hi Pritam a ni. Karan Johar film siam pasarihna tur niin, hemi hma hian Kuch Kuch Hota Hai, Kabhie Khushi Kabhie Gham, Kabhi Alvida Na Kehna, Student of The Year, My Name Is Khan, leh Ae Dil Hai Mushkil-te a lo siam tawh a ni.