Ed Sheeran concert-ah Shawn Mendes inlan

Canadian singer, Shawn Mendes chu mental health issue vanga a tour a ṭhulh aṭanga kum khat dawn a liam hnuah, Inrinni liam ta zana Ed Sheeran-a'n an khua, Toronto-a concert a neihnaah stage-ah a rawn inlan a, fan-te a ṭhawngin an lawm hle.

Ed Sheeran-a'n 'Lego House' a perform laiin, Shawn Mendes hi rawn inlanin, acoustic guitar play dunin an zai dun a, hei bakah hian 'There's Nothing Holdin Me Back' tih an sa dun leh bawk.

Kum 24 mi, Shawn Mendes hian nikum July thla khan post-pandemic anxiety leh mental health issue vangin a Wonder Word Tour a neih tur a ṭhulh a ni. Hemi hnu hian concert-ah a la inlan leh lo a, rin loh takin Ed Sheeran concert-ah a rawn lang ta a ni.

Hun rei tak a thawm a reh hnuah, Mendes hi tun thla tir khan a rawn comeback-na atan, a single thar "What The Hell Are We Dying For" a tichhuak. Mahse, a cover-ah Canada ram kang avanga meikhuin New York khawpui a bawh chuk lai thlalak a dah avangin sawisel a tawk zui hle.