Bebe Rexha vawmtu thubuai siamsak

Pop singer Bebe Rexha chu Pathianni zana New York-a "Best F*n Night of My Life Tour"a neihnaah, audience zinga pakhat chuan phone-in a vawm a, a chalah vawm fuhin concert pawh ruahman aiin tihtawp hma a ngaih phah ta a ni.

New York police department chuan pop star vawmtu, New Jersey mi Nicolas Malvagna (27) chu an man thu leh, thubuai siamsak a nih thu an sawi.

Phone-a vawm fuh a nih hnu hian Rexha hi damdawi in lamah kalpui a ni a, mahse, a ngaihtuahawm loh. Thawhṭanni khan a instagram-ah a ṭhat thu rawn sawiin, a selfie pahnih a dah a, a mit ko dukte a lang a ni. A fan tam tak chuan dam ṭha thuai turin duhsakna an hlan a, concert laia stage-a thil vawm ṭhin chu sim a ṭul thute an sawi hlawm bawk.