Billboard 200 Albums Chart : Morgan Wallen-a’n ‘One Thing At a Time’ a rawn kirpui leh

Billboard 200 Albums Chart-ah Morgan Wallen chuan a album, 'One thing at a time' chu no. 1-ah a rawn kirpui leh.

Chart hmasaah 'One thing at a time' hi no. 2-ah a tla thla a, mahse, kar khat chauh a tlak hniam hnuah equivalent album unit 1,11,500 neiin a chung ber dinhmun a rawn luah leh nghal a ni. Morgan Wallen hian 'One thing at a time' hi Billboard 200-ah a zawn loin, kar 13 chhung no. 1 a nihpui ta. Kum 10 chhunga no. 1 dinhmun luah rei thei, Bad Bunny "Un Verano Sin Ti" (2022), Drake "Views" (2016) leh "Frozen (2013)" soundtrack (2014)-te a rawn nih rualpui thei ta a ni.

'One thing at a time' hi American country music singer, Morgan Wallen studio album pathumna niin, kumin March 3-a a tihchhuah kha a ni. A tihchhuah karah no. 1 rawn ni nghalin equivalent album unit 5,01,000 a nei a, kum 2021 hnua country album tihchhuah tawh zinga che ṭha ber a la ni a, a chet ṭhat a la chhunzawm zel.

Niall Horan a rawn lang

Niall Horan album thar, The Show' chu no. 2-ah a rawn lang, a, equivalent album unit 80,5000 a nei. One Direction member ṭhin, Irish singer, Horan hian kum 2017 hnua charting album-a a thlen san ber ṭum niin, Top 5-a lang thei album pathum a neihna a ni bawk a, a hmain "Heartbreak Weather" (2020) leh "Flicker" (2017) album a lo lanpui tawh a ni.

Noah Kahan leh Taylor Swift

Noah Kahan studio album, 'Stick Season' chu no. 100 aṭangin no. 3-ah a rawn invawrh chho a, equivalent album unit 71,000 a nei. Taylor Swift 'Midnights' pawh no. 5 aṭangin step khata hma rawn sawnin no. 4 a rawn ni a, equivalent album unit 69,000 a nei. Metro Boomin 'Spider Man; Across the Spider Verse' soundtrack pawh a kar hnihnaah no. 7 aṭangin no. 5-ah a rawn chho ve bawk. Chart hmasaa no. 1, Stray Kids '5-STAR' chu no. 6-ah a tla tla thung.