P1Harmony in US agency lian contract ziahpui

K-pop band, P1Harmony chuan an huang zauh zel tumin US-a agency lian, CAA (Creative Artists Agency) chu contract an ziahpui.

Group agency, FNC Enterntainment chuan CAA contract an ziahpui thu hi Nilaini khan official-in a puang a ni.

American talent and sports agency lian ber hian international music market lama invawrh chho turin P1Harmony hi a pui dawn a ni. P1Harmony hian tun hnai khan an title track, 'JUMP' chu English-language version-in an tichhuak a, an mini album parukna HARMONY : ALL IN pawh an tichhuak bawk.

'P1ustage H: P1ONEER' live tour an neih mekah, US-ah show vawi 12 hlawhtling takin an lo nei tawh a ni. September-October chhungin Asia leh Australia leg an chhunzawm leh dawn a, show an neihna tur hmun pawh an puang tawh a ni.