Alia Bhatt-i fan Gal Gadot

'Wonder Woman' Gal Gadot chuan Heart of Stone film-a a chanpui, Bollywood actress Alia Bhatt-i fan a nih thu a sawi.

Alia Bhatt international debut, Heart of Stone hi August 11 hian Netflix-ah tihchhuah a ni dawn a, he film-ah hian Gal Gadot leh Jamie Dornan-te nen an chang. Tun hnaia Sao Paulo, Brazil-a Netflix Tudum event-ah pawh an inlan ho a ni.

Gadot chuan Gangubai Kathiawadi actress hi thawhpui nuam a tih thu leh, a channa RRR film pawh a en tawh thu te, an thawh dun hma daih aṭanga Alia Bhatt fan a nih thu a sawi. Action thriller, Heart of Stone-ah hian lang fresh tak, mize dangdai tak leh hmelṭha tak an duh ang tak chu Alia Bhatt-ah hian an hmu tih a sawi bawk.

Heart of Stone tlangzarh ni, August 11 hian Alia Bhatt pasal, Ranbir Kapoor channa 'Animal' chu tlangzarh a ni dawn bawk a ni.