‘Mo Kawr’ kan en thei dawn ta

Rosangpuii Ralte (Rspi) leh Isaak Chhakchhuak te channa, 'Mo Kawr' (Min kalsan suh) chu zanin hian Saikuti Hall, Lunglei-ah Lalduhawma Chhakchhuak-in a tlangzarh dawn. Zanin 8:30 aṭangin Lersia Play app lamah en theihin chhawp chhuah nghal a ni bawk ang.

He film hi B. Lalbiakvela (Bva Sialton) leh Ngaihawma Fanai te kutchhuak a ni a, anni hi Mizo film hit tak, 'Dengi I Love You' leh 'Nukawki Pasal' siamtute kha an ni a, an kutchhuak hian belhchian a dawl ṭhin hle. 'Mo Kawr' pawh hi a hmuhnawm leh hle tura rin a ni. Rspi leh Isaak-te bakah, 'Nukawki Pasal' a kan lo hmuh tawh, K. Vanlalawmpuia pawh a rawn inlan leh dawn bawk.

Lersia Play app-ah hian Rs 300, Rs 250, Rs 200 leh Rs 150-a lei theihin a awm ang.