Zaninah PYD Bible Quiz final

Mizoram UPC kohhran ṭhalai pawl, Pentecostal Youth Department buatsaiha neih Bible Quiz 2023 tawp zan, final chu zanin dar 8:00 hian neih a ni dawn ta a, Bilkhawthlir Bial PYD leh Bungkawn PYD te'n a thiam ber nih inchuhin inelna an hmachhawn dawn.

GPYD Bible Quiz final hi Ignite Studio-ah neih a ni dawn a, I & II Timothea, Jakoba leh Kohhran GK hmangin final-ah hian inelna neih a ni dawn - zawhna leh chhanna, a kar awl dah khah, tu sawi leh tu hnena sawi nge, rapid fire, bung leh chang, kohhran GK leh optional round hmangtein an inel ang.

General PYD President, Upa R. Vanlalruata chuan, "Bible Quiz hian Pathian thu hriatna kawngah ṭhalaite nasa takin min pui a, hetiang ang inelna kan nei thei hi kan lawm hle. A thlirtu lam pawhin nasa taka hlawkna an chhar kan beisei," tiin Vanglaini a hrilh.

Bible Quiz inelna khar zanah hian Catherine Lallawmpuii chu host niin, Sailopari Sailo chu Quiz Master a ni ang. Rev. Thangliansanga, General Superintendent, Mizoram UPC chuan hunserh hmangin Lalhmudiki leh Vanlaltlansaa te an zai dawn a, General PYD YouTube channel bakah Zonet Bawhbel leh LPS 5-ah te live-a en theih turin pek chhuah a ni ang.