A fan tan Harry Style concert neih lai a chawl

English singer, Harry Style chuan Thawhlehni zana Love on Tour concert a neih laiin, concert entu zinga pakhat, nau pai lai chu washroom kal a ngaih avanga lo nghakin, a concert lai a chawl.

Cardiff-a Principality Stadium-a concert a neihnaah, raipuar chunga entu Sian an tih hian a fa piang tur hming thlanpui turin a sawm a, mahse, Style hian hming a thlan hmain bathroom lama kal a ngaih thu a sawi zui leh a ni. Style chuan, 'Sian, i kal chhungin engmah i 'chan' lo ang, ka lo chawl ang' tiin a inthiar chhung hian a zai a chawl a, concert-a kalte thu ziak kente a lo chhiar a ni. Sian a rawn let hnu hian a fa hming tur atana hualte hrilhin, 'Stevie, Rafe, Harley leh Caleb' tihte a thlan thu a sawi a, mipuite chu an duh ber thlang tura hrilhin 'Caleb' tih a tam berin an thlang. Hemi hnu Style chuan 'Kan tifel ta e' tiin a show a chhunzawm leh nghal a ni.

Kum 28 mi, Harry Style chet dan hian lawm leh fak a hlawh hle a, TikTok-a video dah pawh thlirtu a ngah chak hle.