Elvis Presley Estate-in Priscilla Biopic sawisel

King of Rock 'n' Roll, Elvis Presley nupui thih san, Priscilla Presley chanchin an channa, 'Elvis and Me' film chu Elvis Presley Estate chuan na takin a sawisel a, he film hi 'college movie' ang lekah an chhuah niin a tarlang.

Sofia Coppola direct, 'Elvis and Me' ah hian star langsar tak takte chang mah se, Estate official-te chu an lawm lo, film ṭha lo, a set design pawh chhe lutuk niin an sawi. Hei bakah hian Estate lam hriat loh leh remtihpuina tel loa siam niin an sawi bawk. .

'Elvis and Me'-ah hian Elvis Presley lemah 'Euphoria' actor Jacod Elordi changin, Priscilla lemah hian 'Mare of Easttown' actress Calee Spaeny a chang a, October-ah tihchhuah tum a ni.

Hetih lai hian kum 78 mi, Priscilla chuan Estate lam thuchhuah hi a pawmpui loh thu a sawi ve thung a, film tihchhuah hun a nghahhlelh thu leh, Sofia Coppola hnathawhte chu a ngaihsan thu a sawi. Film-ah hian Priscilla-i hi tleirawl te a nih lai aṭanga Elvis nen an ngaihzawn aṭanga an inneih leh, an inneih hnua buaina hrang hrang an tawh chhoh dante tarlan a ni.