Climate concert-ah Billie Eilish

NGO Global Citizen in Ningania France khawpui, Paris-a Eiffel Tower bula climate concert an buatsaihah Billie Eilish chu a headline a ni.

Champ de Mers-a free show buatsaihah hian Eilish bakah Lenny Kravitz, John Baptiste, H.E.R leh Eilish-i nuṭa. Finneas pawh an inlan a ni. Kum 2021 Global Citizen hian he hmunah vek hian concert lo buatsaih tawhin, Elton John leh star lar tak takte an che a, hemi rual hian khawvela khawpui eng emaw zatah climate concert hi an lo nei ve bawk a ni.

Kum 21 mi, Grammy pasarih dawng tawh, Eilish hian environment humhalhna kawngah hma a la nasa a, 2022 'Happier Than Ever' tour a neih ṭum khan private jet pawh a hmang duh lo. Recycling lam uar tura zirtirna atan 'eco village' te a siam bawk.

Ningania concert thupui atan hian Power our Planet: Live in Paris" tih hman a ni a, he concert hmang hian khawvel ram hausate chu ram rethei zawkte tana climate-related fund pek an tiamte tihlawhtling tur te, environment chungchang bik buaipui tur reform development bank din tur leh, pollution siam nasa company liante chu net-zero emission nei tura intiamtir turtein an nawr an ni.