Jennie, Lily-Rose Depp leh The Weeknd te'n 'One of the Girls' tichhuak

BlackPink member Jennie, Lily-Rose Depp leh The Weeknd-te thawhhona, 'One of the Girls' hla chu an tihchhuah hun tur sawn hmain, June 23 khan tichhuah a ni ta.

He hlaah hian Jennie hian Lily-Rose Depp leh TheWeeknd-te thawhpui mah se, kum nga chhunga a soloist anga a hla tihchhuah leh hmasa ber a ni a, Blinks-te pawh an lawm hle.

A tirah chuan June 25-a tihchhuah tura ruahman a ni a, mahse, a hun hi sawn hmain Inrinni khan an tichhuak ta a ni. He hla hi TV show The Idol series tana siam niin, show episode four-ah a lang ang. The Idol-ah hian The Weeknd, Lily-Rose Depp, Troye Sivan, leh Jennie-te hi an chang a ni.

The Weeknd hian The Idol series atan hian a track 'Jealous Guy' a tichhuak dawn bawk a, Depp leh cast member dang Ramsey-te pawhin an hla 'Fill the Void' an tichhuak bawk ang.