Khiangte Construction Ṭhazual Gospel - Pakhatnaah Tumtumi 'Lungpui nghet'

Khiangte Construc-tion Thazual Gospel chart-ah Mizo Idol 2022-a pahnihna, C. Vanlalroluahtumi (Tumtumi) chuan a hla, 'Lungpui nghet' hmangin pakhatna dinhmun a rawn luah.

Mizo Idol 2022 intihsiak lai aṭanga Zoram mipuite'n a zaithiamzia kan lo hriat tawh, Tumtumi hian he hla hmang hian a thiamzia a rawn nemnghet nawn leh a ni. 'Lungpui nghet' hi Nipuii Varte phuah niin a thluk hi T. Laldintluanga siam a ni. Music producer hi Zta Khawlhring a ni a, Hc Recording-ah record in, video hi Moonshine Studio kutchhuak a ni. He hlaah hian Tumtumi hi Rempuii, Tetei leh Effie-ten' an pui.

Melody Lalzirliani 'Ka dinna' chu pahnihnaah a rawn awm a, ani pawh hian hma rawn sawn zelin a la chet ṭhat chhoh zel a rinawm. Pathumnaah One in Christ 'Aw Lalpa' a rawn lang bawk. Top 5-a hian Divine Voice 'Van in nuam' leh Faktu 'Pathian hmangaihna' an lang bawk.

Thazual Gospel Top 10-ah hian Maruati, Nancy Zothanmawii, KTP Electric Veng Branch-te bakah, chart-a rawng lang thar Malsawmdawngzuali leh Amtea-te an awm bawk a ni.