Taylor Swift-i'n social media lama sual lo turin fan-te a chah

Grammy-winning singer, Taylor Swift chuan July 7-a album, Speak Now (Taylor’s Version) a tihchhuah turah, a fan-te chu social media lamah ṭawngkam mawi lo leh midang natna thlen zawnga thu sawi lo turin a chah lawk.

Speak Now album-a a hla pakhat, 'Dear John' tih hi Taylor Swift-i'n a bialpa hlui, John Mayer a phuahna nia ngaih a ni a, hei vang hian album tihchhuah hunah a fan-te chuan John Mayer an beih zui a hlau a ni mahna. Inrinni liam taa US Bank Stadium, Menneapolis-a Eras tour a neihnaah ngenna hi siamin, hming hmerh erawh chuan a sawi lang lo. Swift chuan, "Tunah chuan kum 33 ka ni tawh a, kum 19 ka nih laia ka chunga thil thlengte kha ka vei zui tawh lo, ka hla phuahte tih chauh lo chu.." tiin a sawi. Kum tam tak liam taa a phuah chhan nia an rin chungchangah, chhan ngai anga a fan-te'n an ngaih a duh lo tih sawiin, a album tihchhuah chhan tur pawh a ni lo tih a sawi bawk.

Minneapolis-ah hian Eras Tour set list-a a telh loh, 'Dear John leh 'Daylight' te sain a fan-te a surprise a ni.

Swift hian kum 2021 khan Fearless (Taylor’s Version) leh Red (Taylor’s Version) a lo tichhuak tawh bawk. Kum 2019 khan a studio album hmasa parukte chu re-record leh vek a tum thu a lo sawi tawh a, kuminah Speak Now (Taylor's Version) hi a tichhuak leh dawn a ni.