Selena Gomez-i'n Zayn Malik a unfollow

Media lamin an sawi zawm mek karah, Selena Gomez chuan Zayn Malik-a Instagram account a unfollow a, hetih lai hian Malik erawh chuan a la follow chhunzawm thung.

Gomez hian Zayn Malik-a bialnu hlui, Gigi Hadid bakah Bella Hadid, Dua Lipa leh Zendaya-te pawh a unfollow bawk. A fan-te chuan A-lister artist-te a unfollow chhan hi an hre chak hle.

Kumin March thla khan Gomez leh Malik-te hi New York-a an chhuak dun hmuh nia sawi a ni a, an inkawp niin sawi zui an ni. Mahse, hei bak chu mipui hmuhah an chhuak dun hmuh zui an ni lo a, thla pawh an la dun lo, an chungchanga thuthang hi engmah an comment dun lo bawk. Heti chung hian media lam chuan an sawi zawm dun reng tho. Tun thla tir khan Gomez hian football khel a ennaah a 'single' thu a aupui a, a video pawh a viral nghal a ni.