Box Office: A chung berah 'Across The Spider-Verse' a rawn kir leh

Spider-Man: Across the Spider-Verse chu North American box office-ah a chung berah a rawn kir leh. Sony animated movie hian a kar thumnaah hian USD mtd 19.3 a la lut pha a ni.

June 2-a tlangzarh,"Spider-Man: Across the Spider-Verse"sequel hian ram chhungah USD mtd 317.05 leh, international-ah USD mtd 243.2 a la lut a, a sum lak luh hi USD mtd 560.25 a tling tawh.

Comscore senior media analyst, Paul Dergarabedian chuan no. 1 aṭanga tla thla tawh, a chung ber dinhmuna rawn kir leh hi a thleng khat hle tih sawiin, mahse,"Spider-Man:Across the Spider-Verse"chuan hei hi a rawn ti thei a, tun summer season chhunga movie ropui ber zinga mi a ni tih a rawn tilang a ni, a ti.

No. 3-ah The Flash a tla thla

Kar hmasa lama no. 1 dinhmun hauhtu, The Flash chu tihchhuah a nih aṭanga kar hnihnaah no. 3-ah a tla thla. DC superhero movie hi opening weekend-ah pawh a sum lak luh lamah beisei a pha lo nghal a, kar hnihnaah hian USD mtd 15.3 chauh a la lut tawh a, USD mtd 18.5 la luttu, Elemental a pha lo. Superhero film zingah box office-a che chhe ber dawttu a ni mek.

No. 4-ah Jennifer Lawrence channa, comedy 'No Hard Feelings' awmin, "Transformers: Rise of the Beasts" chuan a kar thumnaah Top 5-ah a lang ve bawk.