Joseph Zaia pualin Zorina’n ‘Min lo kai ang em?’ ti chhuak

Zorinsanga Sailo chuan zaithiam fam ta, Joseph Zaihminthanga hriatrengna leh a pualin, a hla 'Min lo kai ang em?' a cover-na music video a tichhuak.

Zorina hi Joseph-a fapa, Puipuia leh a ṭhiante'n an pui a, Pro Sound-ah recording hi an ti a ni.

Zorina chuan, "Min lo kai ang em" tih hla hi a mawi ka ti em em a, a boral hnu hian ka thinlungah a nung zual. A fapa Puipuia leh a thiante hian min pui thei a, an lo phur em em a, ti hian U Zaia hriatreng nana cover video hial min chhuahpui hi ka lawm takzet a ni," a ti.