Korn leh Adidas thawk dun dawn

Shoe brand lar, Adidas leh kum 1997-a "A.D.I.D.A.S." hla tichhuaktu, American nu metal band Korn chu an thawk dun dawn ta.

Report-in a tarlan danin, Korn/Adidas thawk dun hian sneakers pahnih - Campus 00s leh Supermodified bakah, thawmhnaw lam- T-shirt,Korn logo hoodie, tracksuit, top leh pant-te an tichhuak dawn a ni. October thlaah tihchhuah hman an tum a, mahse, an la sawn,hla leh maithei bawk.

Korn "A.D.I.D.A.S" hi Life is Peachy album-a mi a ni a, a hla title hi uangthuang deuha singer Jonathan Davis-a sportswear shop-a a thawh lai an kahna a ni. He hla avang hian Adidas company hian band member-te hi an thawmhnaw siamte thawn mah se, official erawh chuan an la thawk dun lo. Band member-te hian Adidas T-shrit leh tracksuit-te an inbel nasain, an 'trend' a ni zui a, an fan-te pawhin an entawn nasa a, mahse, Adidas lam hian thawh dunna tura inremna an siampui mai loh avangin, Korn hian kum 1998 khan Puma company zawk an thawhpui thung.