SRK leh a fanu Suhana chang dun dawn

Shah Rukh Khan leh a fanu, Suhana Khan te chuan movie an chang dun dawn. He film hi Red Chillies Entertainment-in 'Pathaan' director, Siddart Anand thawhpuiin an produce ang.

Suhana Khan hi a movie hmasa ber tur, The Archies tihchhuah a ni hhma hauhin, a film dawt tur sign nghalin, superstar, a pa SRK bulah a chang thei dawn a ni. An pafain an chang dun dawn tih sawi chian ni tawh mah se, a film hming tur erawh sawi lan a la ni lo.

Archie comics behchhana siam, The Archies hi November thla hian Netflix-ah tihchhuah a ni dawn a, Suhana Khan bakah Amitabh Bachchan-a tupa, Agastya Nanda pawh a chang a ni. SRK hian kumina film tihchhuah tur pahnih, Jawan leh Dunki a nei bawk.