Chris Evans-a'n social media chawlhsan dawn

'The Avengers' star Chris Evans hian Ningani khan Twitter leh IG a chawlhsan dawn tih sawiin a deactivate nghal a ni. Nipui hun chu screen time tlem zawk nena hun hman a tum tih a sawi. Captain America hian a hmaa social media chawlhsan rih a tum thu sawitu, Rocketman star Taron Egerto thuchhuah screenshot pawh dah langin, sawi ṭha a tih thu leh a hnung a zui ve tur thu a tarlang.

Taron Eregto hian social media chu a ngawl a vei theih hle tih sawiin, a hun tam tak thil scroll nan a hmang a; ṭhut hahdam a, lehkhabute chhiar leh movie enna tura a hun hman ṭhin te, a mi ngaih tak takte nena hun an hman ṭhin thlengin a lak heksak niin a sawi. Hei vang hian hetiang ringawta awm tur a ni lo tih inhriain, social media chawlhsan rih a tum thu a tarlang.

PEOPLE's 2022 Sexiest Man Alive Chris Evans hian a social media account-te hi a deactivate nghal vek a, Taron erawh chuan a Instragram account chu a titawp chuang lo a, mahse, kumin chhung erawh chuan social media break a nei dawn tih a sawi. A fan-te pawh phone break nei ve fo turin a chah nghal bawk.