Grammy Awards sem hun tur puang

Recording Academy chuan 66th annual Grammy Awards chu February 4, 2024-ah sem a nih dawn tih a puang.

Grammy Awards hi Los Angeles-a Crypto.com Arena-ah sem a ni dawn a, CBS-a Live-a pek chhuah niin Paramount+ ah stream a ni ang.

Award dawng thei tura thlan chhuah, nominee chu November 10-ah puan a ni dawn a, SZA leh Taylor Swift-te chu an langsar hle tura rin a ni. Nomination hi October 1, 2022 - September 15, 2023 inkara hla leh album tihchhuah aṭangin siam tur a ni a, voting first round hi October 11-12 chhungin neih a ni dawn a, final voting hi December 14 - January 4, 2024 ah neih a ni dawn a ni.

Kumin February thlaa 65th Grammy Awards-ah khan Beyonce chuan award pali a hum haw a, arstist zinga Grammy award dawng hnem ber niin 32 a dawng tawh a ni. Harry Styles chuan album of the year award dawngin, record of the year chu Lizzo leh song of the year chu Bonnie Raitt te'n an dawng bawk.