Zayn Malik-a'n record deal ziak thar

One Direction member hlui, Zayn Malik chuan US-a Mercury Records leh UK-a Island Records-te record deal a ziahpui.

Kum hnih dawn hnuah ‘Pillowtalk’ singer hi hla thar tichhuak turin an inbuatsaih mek a, a social media account lamah pawh short teaser clip a rawn dah tawh.

Kum 2021-a Dropbox kaltanga hla pathum awmna, 'Yellow Tape' a tihchhuah hnuah kum 30 mi, Malik hian hla thar a la nei leh lo. Collection a tihchhuah hnu hian a record label, RCA nen an inremna an titawp zui bawk. Mahse tunah deal rawn ziak thar lehin, a hla thar a rawn nei thuai dawn e.

Tun hnaiah Malik hian a Instagram-a a thlalak a post tawh zawng zawng a delete vek a, a bio-ah pawh rawn thlakin, pre-save music link a rawn dah lang. Music thar a nei dawn tih sawiin, short teaser clip hi a rawn dah a ni.