Science & Environment : Climate change vangin rannung chi 800 mang thuai dawn

Khawvel sik leh sa inthlak danglam nasa tak hian nungchate a nghawng nasa a, a bikin amphibians leh reptiles-te'n an tuar zual.

Nature Communcations-a zir chianna an tihchhuahah, climate change vang hian amphibian leh reptile chi 800-te chu an mang thuai dawn niin a tarlang.

Her zir chianna hi Tel Aviv University leh ram dang 18-a researcher-te'n an neih a ni. Nature reserve (Protected Areas or PAS) chu amphibian leh reptile-te humhalhna kawngah eng ang takin nge awmzia a neih tih an zir a ni. PAS-a cheng, rannung/ransa te chu a pawn lama chengte aiin an him zawk tih an zir chhuah rualin, climate change hian a nghawng ve tho tih an sawi.

Reseacher-te hian amphibian leh reptile chi 14,000 data la khawmin, hengte hi khawvel species awm zat hriat aṭanga 70% vel an tling. Special distribution model hmangin an zir chiang a ni.