Darbu Music App Top 5 Sales & Top 10 playcount : Hla hralh ṭhat ber Kimkima 'Kan duh Kan hre lo!'

Darbu Music App chuan June thla chhunga Darbu Exclusive aṭanga hla lei (Top 5) leh Darbu App a hla play hnem ber (Top 10) a ti hhuak.

Darbu Exclusive Sales-ah hian zirna leh thil ṭul dang avanga hun eng emaw chen music chawlh san, Kimkima chuan a hla thar 'Kan Duh Kan hre lo!' tih hmangin pakhatna a rawn hauh a, June thla chhunga hralh ṭhat ber a ni.

Kimkima hla thar hi a hla hmasa ang lo takin rock groove lam pawl a ni a, a hla thu pawh lengzem aiin tunlai ṭhalaite nun leh khawtlang dinhmun a veina lam a ni. A tira acoustic riff mawi tak hi ama phuah ngei a ni bawk.

June thla chhungin Darbu App-ah Aengin & Rosalyn, 'Rinawm Min Tiam Kha' tih chu ngaihthlak hlawh ber a ni thung a, playcount 50,000 dawn an nei pha. He hla hi K. Hminga phuah leh produce a ni a, May 21 khan an release a ni. Tunlaia Mizo ṭhiangzai (Duo) thiam ber leh lar ber tih ngam Aengi& Rosalyn te hi mipui thinlungah an la tla na hle a, ngaihthlak hlawh ber a nih bakah, Darbu Exclusive Sales lamah pawh hralh hnem dawttu a ni pha.

Darbu chart hi Darbu Music App team chuan data an neih hmangin an tichhuak a, khawih danglam theih a ni lo. Darbu hmangtute'n an play zat leh hla hralh hnemte hi mipui hmuh theiha thla tin tar chhuah an tum.

Darbu a hla play zat aṭang hian artist lar mekte a hriat theih a, Darbu Exclusive Sales hian Fanbase nei ṭhate a tilang bawk a ni.